Hasia da boluntariotza kanpaina Lindus mendian

Hasia da boluntariotza kanpaina Lindus mendian

Atzodanik, abuztuak 8, urriaren 3ra bitarte, 70 boluntario arituko dira hegazti migratzaileak behatu eta zenbatzeko lanetan, Lindus mendian, POCTEFA Lindus 2 mugaz gaindiko lankidetza proiektuaren barnean. Ekimena Nafarroako, Akitania Berriko eta Huescako lau mendatetan egiten ari da.

Nafarroako Gobernuak, GAN-NIK enpresa publikoaren bitartez, bat egin du aurten boluntarioendako deialdiarekin. Deialdia elkarrekin egin dute SEO Birdlife eta LPO France erakundeek Lindus 2 proiektuaren baitan, nahi duen orok bere borondatez eztei ondoko migrazioaren behaketan eta zenbaketan parte har dezan, Lindus 2 mendian. Nafarroari dagokionez, boluntariotza lanak geroago hasi dira, bertze bazkideekin batera halaxe erabakita.

Guztira, 70 lagun arituko dira 8 astetan banatuta (abuztuaren 8tik urriaren 3ra), ornitologian aditua den jendearen erranetara, eta bertzean bertze, hegaztiak monitorizatzeko lanak eginen dituzte Auritzen. Astetik astera, boluntario kopurua ezberdina izanen da; horrela, txandarik txikienean 4 lagun arituko dira, eta ugarienean, berriz, 13.

Lindus mendiko boluntariotza kanpainan, halaber, boluntario kolonbiarrek parte hartuko dute, Kolonbiako GAL Vallentazo agentziak erakutsitako interesarekin bat, erakunde horrek turismo ornitologikoa bultzatu nahi baitu han darabilen toki garapen jasangarrirako estrategiaren barnean. Erakunde horren ordezkariak hemen izan ziren bisitan, Cederna Garalurrek antolaturik. Kolonbiarrak, zehazki, abuztuaren 22tik irailaren 4ra eta irailaren 12tik 15era arituko dira.

Mugaz gaindiko lankidetza proiektua

Hegaztion gaineko lan hori Poctefa Lindus 2 mugaz gaindiko proiektuaren baitan dago, Aurizko Udalak gidaturik, eta hiru erakunde dira bazkide, hala nola Espainiako Ornitologia Elkartea (SEO/Birdlife), Ligue de Protection des Oiseaux (LPO Aquitaine), eta Nafarroako Gobernua, Nafarroako Ingurumen Kudeaketa enpresa publikoaren bidez (GAN-NIK). Hegazti migratzaileak aztertzeaz gain, Lindus 2k bertzelako helburuak ere baditu: kiropteroak (saguzarrak) aztertzea, ingurumen-heziketa bultzatzea eta ekoturismoa sustatzea, 2016., 2017. eta 2018. Urteetan, hain zuzen ere.

Eskualdeen Garapenerako Europar Funtsak (EGEF) egitasmoaren % 65 ordaindu du, Espainia-Frantzia-Andorra Interreg V-A programaren bitartez (POCTEFA 2014-2020). POCTEFAren helburua Espainia-Frantzia-Andorrako mugaldearen integrazio ekonomikoa eta soziala indartzea da. Zehazki, mugaz gaindiko ekonomia, gizarte eta ingurumen arloko jarduerak laguntzen ditu diruz, estrategia bateratuen bitartez, lurralde garapen jasangarriaren alde.

 

 

Hegazti migratzaileek mendebaldeko Pirinioetatik igarotzen jarraitzen dute

Hegazti migratzaileek mendebaldeko Pirinioetatik igarotzen jarraitzen dute

Miru beltzak eta zapelatz liztorjaleak gehien begiztatu diren espezieak izan dira

Lindus eta Organbidexka lepoetan eta Somport eta Portalet mendateetan kokatutako behatzaileek, guztira, 72.373 hegazti begiztatu dituzte abuztuan. Espezie ugariena miru beltza izan da (Milvus migrans), 38.382 ale ikusi baitituzte, eta ondoren zapelatz liztorjalea (Pernis apivorus), 27.395 alerekin, eta sorbeltz arrunta (Apus apus) egon dira, 10.932 alerekin.

Organbidexkan (Larrau, Akitania Berria), 29.601 hegazti monitorizatu dira, 33 espezietakoak, abuztuan zehar. Lehen hamabostaldian, miru beltzak izan dira protagonistak, nahiz eta egia den baldintza meteorologikoak ez direla aldekoak izan espezie hau igarotzeko. Abuztuaren 6a izan zen miru beltz gehien igaro zen eguna, izan ere, 4.567 ale igaro baitziren lepoaren gainetik hegan egiten. Beste alde batetik, begiztatu diren zapelatz liztorjalearen 10.821 aleak,  1.263 amiamokoak eta  1.038 enara azpizuriak nabarmendu behar dira. Intereseko beste espezie batzuk direla-eta, Organbidexkako boluntarioek eta ornitologoek Eleonor belatzaren hiru ale (Falco Eleonorae), arrano sugezaleak (Circaetus gallicus), arrano arrantzaleak (Pandion haliaetus) eta belatz gorriak (Falco tinnunculus) ikusi ahal izan zituzten.

Aragoiko Portalet eta Somport mendateetan, 34 espezietako 31. 416 hegazti ikusi zituzten. Miru beltza abuztuko protagonista handietako bat izan zen. 2017ko datuak aintzat hartuta, igarotzea bi aste atzeratu da, eta ale kopuru handiena uztailaren 29a eta abuztuaren 11 artean erregistratu da. Hain zuzen, abuztuaren 11 hori izan zen espezie horretako ale gehien igaro zen eguna, guztira 4.279 ale begiztatu baitzituzten Somporten eta 3.195 ale Portaleten. Erabateko ikuskizuna izan zen, Canfranceko Udalak eta Espainiako Ornitologia Elkarteak (SEO/BirdLife) Lindus 2 proiektua ezagutarazteko antolatu zuten ekitaldian parte hartzeko Canfrancera joan ziren pertsonek bertatik bertara ikusteko aukera izan zutena.

Gainerako espezieak direla-eta, sorbeltz arrunten eta enara azpizurien (Delichon Urbicum) kopuru txikiagoa ikusi da. Zenbatutako 8.219 sorbeltz arrunten %82k uztailaren 26a eta abuztuaren 3a artean zeharkatu dituzte Portalet eta Somport mendateak, eta egun horien artean uztailaren 31 nabarmendu behar da, 3.624 ale begiztatu baitziren. Bere aldetik, 6.314 enara azpizurik zeharkatu zituzten Huescako mendateetako zeruak abuztuaren 27an, abuztu osoan erregistratutako kopuru handiena.

Horrez gain, hauek guztiak ikusi ahal izan dira: zapelatz liztorjaleak, arrano sugezaleak, zapelatz arruntak (Buteo buteo), amiamoko zuriak (Ciconia ciconia), kaioak (Laridae), zingira-mirotzak (Circus aeruginosus) eta mirotz urdinaren aleren bat (Circus pygargus), zuhaitz-belatzak eta arrano arrantzaleak. Gainera, bi aldiz ikusi zen sai beltza (Aegypius monachus), ziur asko ale berbera, Espezie Mehatxatuen Katalogo Nazionalean sartuta dagoen espezie bat.

Nafarroako Lindus lepoan (Nafarroa, Akitania Berria), abuztuaren 1a eta 31 artean, guztira, 11.587 hegazti monitorizatu ziren, 42 espezietakoak. Espezie ugariena  zapelatz liztorjalea izan zen (6.397),  eta haren ondotik  sorbeltz arrunta (1.685) eta amiamoko zuria (1.216) egon ziren. Kopuru horiei amiamoko beltzaren 79 ale (Ciconia nigra), mirotz urdinaren 31 ale eta arrano arrantzalearen 14 ale (Pandion haliaetus) gehitu behar zaizkie.

Abuztuaren 27a zapelatz liztorjalearen ale gehien igaro zen eguna izan zen (1.673), eta haren ondotik abuztuaren 26a, 1.229 alerekin.

Era berean, kopuru txikiagoetan, interes handiko beste espezie batzuk ere ikusi ahal izan ziren, hala nola gabiraiak (Accipiter nisus), 22 alerekin, eta gauza bitxiak, adibidez, mirotz lepazuriaren ale bat (Circus macrourus). Horrez gain, bertako espezie berezi eta bakanak ere begiztatu ziren, besteak beste, ugatza (Gypaetus barbatus) eta okil beltza (Dryocopus martius).

Mugaz gaindiko lankidetza ekimena

Hegazti migratzaileen gaineko lan hori Lindus 2 mugaz gaindiko proiektuaren baitan dago, Aurizko Udalak gidaturik, eta hiru erakunde dira bazkide, hala nola Espainiako Ornitologia Elkartea (SEO/BirdLife),Txoriak Babesteko Liga (LPO-Aquitaine), eta Nafarroako Gobernua, Nafarroako Ingurumen Kudeaketa enpresa publikoaren bidez (GAN-NIK). Hegazti migratzaileak aztertzeaz gain, Lindus 2k bestelako helburuak ere baditu: kiropteroak (saguzarrak) aztertzea, ingurumen-heziketa bultzatzea eta ekoturismoa sustatze, betiere 2016., 2017. eta 2018. urteetan.

Eskualdeen Garapenerako Europar Funtsak (EGEF) egitasmoaren % 65 ordaindu du, Espainia-Frantzia-Andorra Interreg V-A programaren bitartez (POCTEFA 2014-2020). POCTEFAren helburua Espainia-Frantzia-Andorrako mugaldearen integrazio ekonomikoa eta soziala indartzea da. Zehazki, mugaz gaindiko ekonomia, gizarte eta ingurumen arloko jarduerak laguntzen ditu diruz, estrategia bateratuen bitartez, lurralde garapen jasangarriaren alde.

20.000tik gora miru beltz ikusi dira uztailean, mendebaldeko Pirinioetan

20.000tik gora miru beltz ikusi dira uztailean, mendebaldeko Pirinioetan

20.000tik gora miru beltz ikusi dira uztailean, mendebaldeko Pirinioetan   

Hegaztiak mugaz gaindiko Lindus 2 lankidetza proiektuaren bidez zenbatu dira, Nafarroako, Akitania Berriko eta Huescako zenbait mendatetan

Miru beltza (Milvus migrans) izan da hegaztirik ugariena Lindus 2 izeneko ekimenaren hirugarren kanpainaren lehen behaketa egunetan. Ekimenak hegaztien eztei ondoko migrazioa du aztergai mendebaldeko bideetan. Guztira, 29.577 hegazti ikusi dira, eta haietarik, 21.728 miru beltzak izan dira. Behaketa joan den uztailaren 13an hasi zen Somport eta Portalet (Huesca) mendateetan, eta uztailaren 15ean, berriz, Lindus mendian (Nafarroa-Nafarroa Beherea) eta Organbidexka lepoan (Larrañe, Akitania Berria). Aragoiko behaketa-lanak urriaren 31n bukatuko dira, eta Lindus eta Organbidexkakoak, berriz, azaroaren 15ean.

Lindus mendiko uztailaren 15etik 31ra bitarteko behaketak datu hauek utzi dizkigu: behaketa 12 egunez egin ahal izan da, eta 20 espezietako 5.628 hegazti ikusi dira. Ugariena sorbeltz arrunta (Apus apus) izan da 3.288 alerekin; gero, miru beltza (1.907 ale) eta enara azpizuria  (Delichon urbicum), 209rekin. Halaber, beste espezie batzuetako ale kopuru txikiagoak ikusi ziren, batzuk interes handikoak, hala nola zikoina zuria (Ciconia ciconia) eta beltza (Ciconia nigra), lehen zapelatz liztorjaleak (Pernis apivorus), eta zingira mirotzen bat (Circus aeruginosus).

Organbidexkan, berriz, 14.404 hegazti ikusi ziren, behaketa egin ahal izan zen 12 egunetan, uztailaren 15etik 31ra. Gehienak miru beltzak izan ziren (12.402), inguru hartako laino handiek bidea uztaileko hainbat egunez trabatu bazien ere. Era berean, sorbeltz arruntak (1.577) eta enara azpizuriak (390) ikusi ziren, bai eta intereseko beste espezie batzuetako ale batzuk ere, hala nola ubarroi handia (Phalacrocorax carbo), arrano arrantzalea  (Pandion haliaetus), eta zikoina zuria eta beltza.

Huescako Somport eta Portalet mendateetako lehen egunetan zeru argia izan zen; beraz, baldintza ezin hobeak behaketarako. Bietan ere ugariena miru beltza izan zen, 7.419 alerekin, eta kontuan hartu behar da guztira 9.545 hegazti migratzaile zenbatu zituztela uztailaren 13tik 29ra. Beste espezie batzuk ere zenbatu ziren, baina aunitzez ere kopuru txikiagoan, hala nola zikoina beltza, ubarroi handia, arrano sugezalea (Circaetus gallicus), arrano txikia (Aquila pennata) edota zapelatz liztorjaleen, (Pernis aviporus), zingira mirotzen eta sai zurien (Neophron percnopterus) lehen mugimenduak.

Hala Somporten eta Portaleten nola Organbidexkan, aurtengo Lindus 2ko deialdian izena emaniko boluntarioak ornitologoekin eta hegazti zenbaketan adituak direnekin aritu dira elkarlanean, hegazti migratzaileen behaketa- eta erregistro-lanetan. Lindus mendian, berriz, boluntarioak abuztuaren 8an hasiko dira.

Mugaz gaindiko lankidetza ekimena

Hegazti migratzaileen gaineko lan hori Lindus 2 mugaz gaindiko proiektuaren baitan dago, Aurizko Udalak gidaturik, eta hiru erakunde dira bazkide, hala nola Espainiako Ornitologia Elkartea (SEO/BirdLife),Txoriak Babesteko Liga (LPO-Aquitaine), eta Nafarroako Gobernua, Nafarroako Ingurumen Kudeaketa enpresa publikoaren bidez (GAN-NIK). Hegazti migratzaileak aztertzeaz gain, Lindus 2k bestelako helburuak ere baditu: kiropteroak (saguzarrak) aztertzea, ingurumen-heziketa bultzatzea eta ekoturismoa sustatze, betiere 2016., 2017. eta 2018. urteetan.

Eskualdeen Garapenerako Europar Funtsak (EGEF) egitasmoaren % 65 ordaindu du, Espainia-Frantzia-Andorra Interreg V-A programaren bitartez (POCTEFA 2014-2020). POCTEFAren helburua Espainia-Frantzia-Andorrako mugaldearen integrazio ekonomikoa eta soziala indartzea da. Zehazki, mugaz gaindiko ekonomia, gizarte eta ingurumen arloko jarduerak laguntzen ditu diruz, estrategia bateratuen bitartez, lurralde garapen jasangarriaren alde.

Lindus 2 Proiektuko bazkideen bilera Canfranceko Lurpeko Laborategian (Huesca)

Lindus 2 Proiektuko bazkideen bilera Canfranceko Lurpeko Laborategian (Huesca)

Interreg POCTEFA Lindus 2 proiektuko erakunde bazkide guztien ordezkari instituzionalak eta teknikariak Canfranceko Lurpeko Laborategian bildu ziren, joan den uztailaren 17an. Mugaz gaindiko lankidetza proiektuaren hirugarren urtea da, eta Pirinioetako goi mendateetan hegaztiek egiten duten migrazioaren behaketa eta erregistroa du helburu nagusi. Horrez gain, kiropteroak (saguzarrak) monitorizatzeko lanak ere egiten dira, ingurumen-hezkuntza, boluntariotza eta ekoturismoaren aldeko ekintzekin batera.

Proiektuko bazkideak Aragoiko SEO/BirdLife, GAN-NIK (Nafarroako Ingurumen Kudeaketa) –Nafarroako Gobernuko enpresa publikoa– LPO Akitania (Ligue pour la Protection des Oiseaux) eta Aurizko Udala (Nafarroa) dira, azken hori buru delarik.

Canfranceko bileran, bazkideek, besteak beste, uztailean hasi den landa-eremuko kanpaina izan zuten aztergai, eta horrekin batera, 2018ko aurreikuspena, etorkizuneko lan-ildoak, eta noraino bete diren bai ekintza aurreikusiak, bai finantza-proiektua; egungo datuen arabera, bere osoan beteko da.

Bileran ondorio nabarmenenak aipatu ziren, honatx:

  • Mendateen garrantzia hegaztien migrazio-pasabiderako eta zeinen potentzial handia duten hegaztiak behatzeko,
  • Eta behaketa guneen inguruko udalerriendako dagoen garapen aukera

Bazkideek proiektuaren ekintza zabaltzeko konpromisoa berretsi zuten, egungo POCTEFA epealdia bukatu eta gero.

Izan ere, azaro akaberan, proiektua ixteko ekitaldia egin, eta hiru urteko lanei dagozkien datuak eta ondorioak aurkeztuko dira, mendate bakoitzean zenbat hegazti eta zer espezie ikusi diren zehaztuta. Azken emaitza Lurraldea Balorizatzeko Mugaz Gaindiko Programa Integral bat izanen da, hiru arlootan; hegazti migratzaileen jarraipena, ingurumen-hezkuntza eta ekoturismoa.

Bilerara, honakoak bertaratu ziren: Asunción Ruiz, SEO/BirdLifeko zuzendari eragilea;  Isabel Elizalde, Nafarroako Gobernuko Landa Garapeneko, Ingurumeneko eta Toki Administrazioko Departamentuko kontseilaria; Andde Sainte-Marie, Akitania Berriko kontseilari erregionala; Olivier Le Gall,  LPO Akitaniako presidentea; Luis De Potestad Tellechea, Aurizko alkatea; eta anfitrioia, hau da, Fernando Sánchez, Canfranceko alkatea eta Huescako Probintzia Diputazioko diputatua. Huescakoa Lindus 2 finantzatzen duen erakundeetako bat da, beste entitate batzuekin batera. Horiez landara,  GAN-NIK enpresako zuzendaritzaren, Nafarroako Gobernuaren, LPO Akitania entitatearen eta SEO/BirdLiferen ordezkariak ere bai.

Canfranceko Lurpeko Laborategia CSICen menpean dago eta “materia ilunaren” ikerketan da espezialista. Lindusko bazkideen bilera hartu zuen, Pirinioetako erakundeen arteko lankidetzaren baitan. Bitxikeria gisa, erran behar da ikerketa instalazioak 800 metroko sakoneran daudela harkaitz azpian, betiere SEO/BirdLifek lerrozuzenean Tobazo mendian duen ornitologia-behatokiaren azpian, Somporten (Huesca).

Bileraren ondotik hegazti migratzaileak behatzeko hainbat gune ikustera joan ziren, Somportera (Huesca).

Eskualdeen Garapenerako Europar Funtsak (EGEF) egitasmoaren % 65 ordaindu du, Espainia-Frantzia-Andorra Interreg V-A programaren bitartez (POCTEFA 2014-2020). POCTEFAren helburua Espainia-Frantzia-Andorrako mugaldearen integrazio ekonomikoa eta soziala indartzea da. Zehazki, mugaz gaindiko ekonomia, gizarte eta ingurumen arloko jarduerak laguntzen ditu diruz, estrategia bateratuen bitartez, lurralde garapen jasangarriaren alde.

Abian da hegaztiak behatzeko denboraldia Lindus 2 proiektuaren barnean

Abian da hegaztiak behatzeko denboraldia Lindus 2 proiektuaren barnean

Hirugarren denboraldia uztailaren 13an hasiko da Somport eta Portalet mendateetan (Huesca), eta uztailaren 15ean, bai Lindus mendian (Nafarroa- Nafarroa Beherea), bai Organbidexkako lepoan (Larrañe, Akitania Berria).

Mugaz bi aldeko behatzaileek mendebaldeko Pirinioetako bidea erabiltzen duten hegaztien eztei ondoko migrazioa aztertzeari berrelduko diote uztail erdian. Ekintza Lindus 2 mugaz gaindiko proiektuaren baitan dago.

Behaketak, zehazki, uztailaren 13an hasiko dira Somport eta Portalet mendateetan, eta uztailaren 15ean, berriz, Nafarroa Garaiaren eta Nafarroa Beherearen arteko mugan dagoen Lindus mendian, bai eta Organbidexkan ere. Denboraldia urriaren 31n bukatuko da Aragoiko mendateetan, eta azaroaren 15ean, Lindusen eta Organbidexkan.

2017an,  650.000 hegazti migratzaile baino gehiago zenbatu zituzten mendebaldeko Pirinioetan. Iazko denboraldian, inoiz baino zikoina beltz eta zuri nahiz miru gorri gehiago ikusi ziren, eta sorbeltz arrunta kopuru nabarmena ere pasatu zen.

Ornitologoez eta hegaztien behaketan aditua den jendeaz gain, mugaz bi aldeko boluntarioak arituko dira behaketan eta hegazti migratzaileen gaineko datuak erregistratzeko lanetan. Pirinioetako mendateetako Boluntariotza Ornitologikoa 2018 deialdian izena emandako boluntarioak dira, proiektuko hiru bazkideek abian jarritakoa. Hona hemen: Espainiako Ornitologia Elkartea (SEO/Birdlife), Nafarroako Ingurumen Kudeaketa enpresa publikoa (GAN-NIK) eta Ligue de Protection des Oiseaux (LPO Aquitaine). Boluntarioak legenago edo geroago hasten dira lanean, tokiaren arabera.

Mugaz gaindiko lankidetza ekimena

Hegazti migratzaileen gaineko lan hori Lindus 2 mugaz gaindiko proiektuaren baitan dago, Aurizko Udalak gidaturik, eta hiru erakunde dira bazkide, hala nola Espainiako Ornitologia Elkartea (SEO/BirdLife), Txoriak Babesteko Liga (LPO-Aquitaine), eta Nafarroako Gobernua, Nafarroako Ingurumen Kudeaketa enpresa publikoaren bidez (GAN-NIK). Hegazti migratzaileak aztertzeaz gain, Lindus 2k bestelako helburuak ere baditu: kiropteroak (saguzarrak) aztertzea, ingurumen-heziketa bultzatzea eta ekoturismoa sustatze, betiere 2016., 2017. eta 2018. urteetan.

Eskualdeen Garapenerako Europar Funtsak (EGEF) egitasmoaren % 65 ordaindu du, Espainia-Frantzia-Andorra Interreg V-A programaren bitartez (POCTEFA 2014-2020). POCTEFAren helburua Espainia-Frantzia-Andorrako mugaldearen integrazio ekonomikoa eta soziala indartzea da. Zehazki, mugaz gaindiko ekonomia, gizarte eta ingurumen arloko jarduerak laguntzen ditu diruz, estrategia bateratuen bitartez, lurralde garapen jasangarriaren alde.

 

Kolonbiaren eta Pirinioen arteko esperientzia trukea

Kolonbiaren eta Pirinioen arteko esperientzia trukea

Aurizko Kultur Etxean esperientziak elkarri azaldu zizkioten martxoaren 22an POCTEFA Lindus 2 proiektuak eta Tenza Ibarreko Toki Ekintzarako Taldeak (Kolonbia), talde horrek turismo ornitologikoa bultzatu nahi baitu toki garapenerako estrategia jasangarriaren barnean. Lehenik, Luis de Potestad Aurizko alkateak POCTEFA Lindus 2 proiektua aurkeztu zuen, hiru zutabetan oinarrituriko ekimena, alegia: hegazti migratzaileak ikusi eta zenbatzea, ingurumen-heziketa bultzatzea eta ekoturismoa sustatzea. Aurizko Udalaz gain, hona hemen bazkideak: Ligue pour la Protection des Oiseaux (Akitaniako lurralde ordezkaritza)Espainiako Ornitologia Elkartea (SEO/Birdlife) eta Nafarroako Gobernua, Nafarroako Ingurumen Kudeaketa enpresa publikoaren bidez, betiere.

GAN-NIKeko Carlos Astráinek eztei ondoko migrazioaren ezaugarriak azaldu zituen zehatzago, Pirinioetan barna egiten dena, bai eta Lindus 2 ekimenaren barnean burutzen ari den azterlana ere. Gabriel Berasateguik, berriz, bere enpresak (Ornitolan) eta Bizi Biziki-k Auritz aldean darabilten Ekoturismo estrategia izan zuen hizpide; herritarrek eta eragileek parte harturik egiten ari da. Cederna Garalur erakundea Lindus 2 proiektuan dago, eta haren izenean, Ibon Mimentza natur baliabideetan oinarrituriko garapen estrategiaz mintzatu zen. Horixe bera egiten ari da Kolonbiako taldea, hau da, tokian tokiko garapen osoan oinarrituriko proiektuak gidatzen ditu, tokian tokiko ekintzaileak sustatuta.

Aipatutako hizlariez gain, bertze ordezkari batzuk ere bertaratu ziren, hala nola Kolonbiako Tenza Ibarreko bi taldekide, Mario Barreto kudeatzailea eta David Aparicio koordinatzailea, Descubrir Fundazioko Eibar Algarra, eta Javier Velázquez, Eurodel International nafar aholkularitza enpresako zuzendaria, Tenza Ibarreko toki garapenean laguntza teknikoa eman duena